الجوكر .. أحمد فتحي

 في 10 نوفمبر 1984 ، اتولد أفضل ظهير أيمن مصري في آخر 20 سنة ، اتولد في مدينة بنها و سافر للإسماعيلية عشان ينضم لناشئين الدراويش ..

اتصعد للدرجة الأولي و شارك مع الفريق من 2001 لحد 2007 و كان توج مع الفريق بلقب الدوري المصري 2001/02 و عمره ساعتها كان 18 سنة ..

في 2007 ، جيه عرض لفتحي من شيفيلد يونايتد الإنجليزي مقابل 1.5 مليون يورو حسب transfer markt ، و الإسماعيلي وافق علي احتراف فتحي في أكبر دوري في العالم ..

لعب ۳ ماتشات بس و منهم مباراة ليفربول في الأنفيلد لكنه مکملش مع الفريق و عشان كدة مشي و رجع تاني مصر بس للمرة دي للنادي الأهلي

باب القيد في مصر كان قفل ف اعشان كدة اضطر الأهلي يطلعه إعارة لحد شهر يناير و يلعب لنادي كاظمة الكويتي .

رجع تاني فتحي للأهلي بعد نهاية الإعارة ، و بقي من أعمدة الفريق الرئيسية و سواء لما لعب في نص الملعب أو ظهير أيمن أجاد في المكانين و إنضم للمنتخب و كان من واحد من الجيل الذهبي للفراعنة الي توج ب 3 كأس أمم إفريقية ورا بعض .

في يناير 2013 ، اننقل فتحي لنادي هال سيتي الإنجليزي هو و جدو إعارة لنهاية الموسم و لعب معاهم في ال Championship و بعدها رجع الأهلي و مشي و راح أم صلال القطري في 14/15 ..

فتحي لعب مع أم صلال 17 مباراة لكن الأهلي اشتراه تاني بعدها بموسم و استمر مع الفريق لحد ما قرر ينضم لبيراميدز بعد نهاية عقده ..

بشكل عام فتحي لعب مع الأهلي 351 مباراة في كل البطولات ، سجل فيهم 24 هدف و عمل 63 أسیست بمجموع 87 مساهمة ..

فتحي لعب مع منتخب مصر في سن صغير بعد ما بدأ مشواره الدولي في 2002 ، و بشكل عام مع المنتخب فتحي لعب 132 مباراة و توج مع المنتخب ببطولات مهمة جدا و كان من ضمن الفريق الي شارك في كأس العالم 2018 ..

أحمد فتحي يعتبر واحد من أهم اللاعيية في تاريخ الكرة المصرية علي كل المستويات سواء الارقام و البطولات الي حققها أو أداءه الثابت و الصلب و تفانيه و إخلاصه مع كل الفرق الي لعب ليها ..