اللاعب المصري سام مرسي المحترف في إنجلترا

سام مرسي مواليد 1991 وبيلعب في نص الملعب و حالياً بيلعب في نادي Ipswich Town في الدرجة الثانية ..

في بداية حياته الكروية بدأ في نادي Wolverhampton و بعده Port Vale في المراحل العمرية تحت 18 سنة قبل ما ينضم لنادي Chesterfield 

بعدها إنضم لنادي ويجان و ل Barnsley معاراً قبل ما يرجع تاني ويجان و يستمر فترة طويلة جداً معاهم لحد الموسم قبل الي فات الي كان أخر موسم لسام مع ويجان بعد إعلان النادي إفلاسه

في بداية الموسم الي فات ، انضم لنادي Middlesbrough الإنجليزي قبل ما ينضم لنادي Ipswich Town ،، و لعب معاهم السنة دي لحد دلوقتي ١٧ مباراة سجل ٣ أهداف و صنع ٣ .. 

سام مرسي إنضم للمنتخب المصري مع هيكتور كوبر لأول مرة في ٢٠١٦ و كان لعب ٧ ماتشات دولية مع المنتخب ..

أعلي قيمة تسويقية وصلها سام مرسي كانت مليون و نص في ٢٠١٩ و بشكل عام سام مرسي لعب 464 مباراة طوال مسيرته الإحترافية مع الأندية لحد دلوقتي سجل خلالهم 29 هدف و صنع 37 و علي مستوي للبطولات، توج سام ب ٣ الألقاب ٢ دوري انجليزي درجة تانية و واحد درجة تالتة ..

سام مرسي لاعب كويس و لعب كتير قي انجلترا و متعود علي أجواء و طرق لعب مختلفة و لما شارك مع منتخب مصر ظهر بشكل كويس لكن منضمش تاني يمكن بسبب اللغة و صعوبة التواصل مع باقي اللاعيبة لكن بشكل عام سام يستحق فرصة مع المنتخب عشان الجمهور يحكم عليه بشكل أكبر ..