مواهب صاعدة .. دافيد فوفانا

 المهاجم الايفواري دافيد فوفانا صاحب ال ٢٢ سنة بيلعب في نادي مولدة النرويجي النادي الي هالاند كان بيلعب ليه ..

فوفانا قيمته التسويقية هي ٧ مليون و كان بدأ مشواره الكروي في ناشئين نادي أبيدجان و ساعتها ظهر بشكل جيد عشان كدة أندية أوروبية كتير بدأت تتابع لحد ما إنضم لنادي مولدة في ٢٠٢١ لمدة ٤ سنين .. 

فوفانا لعب لحد دلوقتي ٦٥ مباراة سجل فيهم ٢٤ هدف و صنع ١٠ و لعب في بطولة الدوري الأوروبي ٣ مباريات وسجل فيهم هدف و توج ببطولتين مع مولدة الدوري النرويجي و الكأس و لعب مع منتخب كوت ديفوار مباراتين بدايةً من ٢٠١٩ لما كان ١٦ سنة .. 

حسب مقال من موقع الجول ، فوفانا قال إنه كان ييلعب في الشارع و مكنش بيلعب في أي أكاديمية أو مدارس كورة ، كان بيلعب في الشارع و بيقول إنه استفاد منه كتير لأنه بيلعب في أجوان صغيرة و ده بيزود الدقة في التصويب .. 

و نفس المقال بيقول إن فوفانا متميز في السيطرة علي الكرة تحت ضغط و الحفاظ علي الاستحواذ لصالح فريقه .. و لما اتسأل فوفانا عن مثله الأعلى في الكرة .. قال إن بالنسبة للمهارة في رونالدينيو، و رونالدو الظاهرة و بالنسبة لتسجيل الأهداف فا كريستيانو رونالدو

و بالنسبة للمرونة و تغيير الاتجاهات فا هو ليونيل ميسي و لو علي القوة البدنية فا زلاتان ابراهيموفيتش .. 

و لما اتسأل عن إنه بيلعب في نفس النادي الي كان بيلعب فيه هالاند ، قال إنه أكيد عايز يبقي زيه .. فوفانا كان بيشجع تشلسي من و هو صغير و كان متعلق ب دروجبا ابن بلده و عشان كدة كان يتمني ينضم لتشيلسي زي دروجبا .. 

https://www.youtube.com/watch?v=xZFwHS_qj5Q

و بعد منافسة قوية بين أندية ليستر سيتي و برايتون و برينتفورد ، الصحفي فابريزيو رومانو بيأكد وصول تشيلسي لاتفاق للتعاقد مع المهاجم الشاب دافيد فوفانا مقابل ١٢ مليون ..